~|| مكآن مقتل ذيب بن شالح ||~
اثار بئر مليه
فوهة البئر
هذا الجبل مدفون فيه ذيب بن شالح بن هدلان
الغار اللي مدفون فيهذيب مسكر بالحجر
~~~~~~~~~~~~~~~~~~~
~|| قصة مقتل ذيب بن شالح ||~
كان ناوي يقنص هو وأخوياه
وقف هو واللي معه عند بئر ملية للراحه
شافهم أحد الرعاة من بعيد ورمى البندق رمي عشوائي
وقدر الله أنها تصيب ذيب في مقتل وتوفى
وتجمعوا عليه القوم والناس ولا يدرون منهم
وكانت معهم وحده قالت ياويلكم ويلاه هذا ذيب ...
يــا ربعـنـا يالـلـي عـلـى الفـطّـر الـشـيـب
عــــز الله أنــــه ضــــاع مـنــكــم وداعـــــه
رحتـوا علـى الطـوعـات مـثـل العياسـيـب
جــيــتــوا وخـلـيــتــوا لـقــلــبــي بــضــاعـــه
خـلــيــتــوا الـــنــــادر بـــــــدار الأجــانــيـــب
وضـاقـت بـــي الآفـــاق عـقــب إتـسـاعـه
تــكـــدرن لـــــي صــافــيــات الـمـشــاريــب
وبالعـون شفـت الــذل عـقـب الشجـاعـه
يــا ذيــب أنــا بوصـيـك لا تـاكـل الـذيــب
كــــم لـيـلــةٍ عــشّــاك عــقــب الـمـجـاعــه
كــــم لـيـلــةٍ عــشّــاك حِــــرش الـعـراقـيــب
وكــم شـيــخ قـــوم ٍ كـزتــه لـــك ذراعـــه
كــفـــه بــعــدوانــه شــنــيــع الـمـضــاريــب
ويـسـقـي عـــدوه بـالـوغـى سِـــم ســاعــه
ويضـحـك لـيـا صَـكّـت علـيـه المغـالـيـب
ويـلـكـد عـلــى جـمــع الــعــدو بـانـدفـاعـه
وبـيـتـه لجـيـرانـه يـشـيّـد عـلــى الـطـيــب
و للضـيـف يبـنـي فــي طـويـل الـرفـاعـه
جرحـي عطيـب ولا بقـى لــي مقاضـيـب
وأفـخـت حـبـل الـوصـل عـقـب إنقطـاعـه
كــنــي بــعــد فــقــده بـحـامــي الـلـواهـيـب
وكـنــي غـريــب الــــدار مــالــي جـمـاعــه
من عقب ذيب الخيـل عِـرج ٍ مهاليـب
يـاهـل الـرمـك مــا عــاد فـيـهـن طـمـاعـه
قالوا تطيب وقلت : وش لون أبا طيب
وطـلـبـت مـــن عـنــد الـكـريـم الـشـفـاعـه
